cup.aihedy.com (AMO) is de offisjele website fan Mozilla foar it ûntdekken en ynstallearjen fan add-ons foar de Firefox-browser. Mei add-ons kinne jo, troch it tafoegjen fan nije funksjes, it ferbetterjen fan jo ynteraksjes mei webynhâld en it wizigjen fan it úterlik fan jo browser, jo surfûnderfining oanpasse en personalisearje.
Besykje addons.thunderbird.net of addons.thunderbird.net/seamonkey as jo add-ons foar Thunderbird of SeaMonkey sykje.
In mienskip fan makkers
De hjir fermelde add-ons binne makke troch tûzenen ûntwikkelers en tema-ûntwerpers wrâldwiid, fariearjend fan yndividuele hobbyisten oant grutte bedriuwen. Guon add-ons op AMO wurde automatysk publisearre en wurde nei publikaasje mooglik noch beoardiele troch in team fan editors.
Meiwurkje
Mozilla is in nonprofitfoarfjochter fan it ynternet, wy bouwe Firefox om it sûn, iepen en tagonklik te hâlden. Add-ons stypje karfrijheid en oanpassing yn Firefox, en jo kinne op de folgjende manieren bydrage:
- Meitsje jo eigen add-on. Wy biede fergees host- en fernijingstsjinsten en kinne jo helpe in grut brûkerspublyk te berikken.
- Help dizze website te ferbetterjen. Hy is opensource, en jo kinne bugs en patches yntsjinje. Jo kinne starte mei in goede earste bug of alle iepen saken foar de server en front-end op GitHub besjen.
- Wolle jo programmeartechnyske ynteraksje mei cup.aihedy.com (AMO)? Lês dan de dokumintaasje fan de Add-ons-servers foar details oer de troch AMO en de Add-onbehearder brûkte API’s.
As jo bydrage wolle, mar net sa technysk binne, binne der noch hieltyd manieren om te helpen:
- Doch mei oan ús foarum.
- Lit kommentaar foar jo favorite add-ons efter. De kâns dat add-onskriuwers harren add-ons ferbetterje en nije add-ons meitsje is grutter as se witte dat harren wurk wurdearre wurdt.
- Fertel jo freonen en famylje dat Firefox in flugge, feilige browser is dy’t harren privacy beskermet, en dat se add-ons brûke kinne om him nei winsk oan te passen!
Besykje ús wiki foar mear manieren wêrop jo bydrage kinne oan de add-onmienskip.
In probleem melde
As jo in probleem mei de website tsjinkomme, losse wy dat graach op. Meld in probleem en fermeld sa folle mooglik details.
Meld in probleem op Bugzilla of stjoer in e-mailberjocht nei amo-admins@mozilla.com om in befeiligingskwetsberheid foar in útwreiding te melden, sels as dizze net op dizze website host wurdt. Alle meldingen fan befeiligingskwetsberheden binne fertroulik.
Stipe krije
As jo mear witte wolle oer hoe’t jo add-ons yn Firefox beheare, of op syk binne nei algemiene stipe foar Firefox, besykje dan Support Mozilla. As jo dêr gjin antwurd fine, dan kinne jo jo fraach stelle op ús mienskipsfoarum.
Ynformaasje oer kontakt opnimme mei it add-ons-team fan Mozilla kinne jo hjir fine.